АНУ-ын Ерөнхийлөгч Дональд Трамп улс орондоо дэлхийд байхгүй хамгийн хүчтэй цөмийн хүчин байгуулна гэж мужийн амбан захирагчидтай уулзахдаа ярьсныг Оросын мэдээллийн РИА Новости агентлаг дамжуулсан байна. Америкийн тэргүүнийхээр бол зэвсэглэлд хяналт тавих талаар Орос, Хятадтай шинэ хэлэлцээр байгуулж гарын үсэг зурж чадаагүй байгаа өнөөгийн нөхцөлд АНУ ингэж л цөмийн хүчин чадлаа нэмэгдүүлэхээс өөр аргагүй гэнэ. Д.Трамп бас Москва, Бээжин хоёр “Энэ салбарт тэрбум, тэрбум доллар зарцуулахыг зогсоох” хэлэлцээр хийхийг хүсч байгаа гэжээ.
Орос, АНУ хоёр цаашид цөмийн зэвсэг хязгаарлах тухай тохиролцоонд хүрч байсан гэж ОХУ-ын Гадаад хэргийн яамны Зэвсэглэлд хяналт тавих, дэлгэрүүлэхгүй байх газрын захирал Владимир Ермаков хэлж байсан. Энэ ажиллагаанд цаашид өөрсдөө цөмийн зэвсэг эзэмшиж байгаа, нөгөө талаар Америкийн цэргийн холбоотон Их Британи, Францын оролцоо чухал тэрбээр хэлж байсан юм.
Талуудын хооронд үйлчилж байгаа цор ганц хэлэлцээр бол 2021 оны хоёрдугаар сар хүртэл үйлчлэх Стратегийн давшилтын зэвсгийг хорогдуулах тухай хэлэлцээр юм. Үүний өмнө АНУ-ын тэргүүн Дональд Трамп Орос, Хятад, АНУ-ын хооронд цөмийн асуудлаар гурван талт хэлэлцээр байгуулах тухайгаа ярьж байсан юм. Бээжин энэ талаар ярилцах хүсэлтэй байгаа гэж Д.Трамп нэг бус удаа мэдэгдэж байсан.