Цөмийн зэвсгийг хорогдуулах асуудлаар АНУ, Орос, Хятад улстай яриа хэлэлцээ хийхийг хүсч байна гэж Америкийн ерөнхийлөгчийн Үндэсний аюулгүй байдлын ауудал хариуцсан туслах Роберт О’Брайен энэ 12-ны лхагва гарагт мэдэгджээ. Түүнийхээр АНУ цөмийн зөвсгийн нөөцийг хорогдуулах талаар Орос, Хятадтай нухацтай ярилцахаар төлөвлөж байгаа гэнэ. О’Брайен бас америкийн тал Дунд болон ойрын тусгалтай пуужин устгах гэрээнээс гарсан нь “үн дүнгүй” явдал байсан гэж тэмдэглэжээ.
 Мөн АНУ-ын тэргүүн Дональд Трамп батлан хамгаалах яаманд хөрөнгө оруулж байгаа гээд энэ бүх хүчин зүйл нь Орос Хятадтай хэлэлцээрийн ширээнд суухад хүргэж байна гэж ерөнхийлөгчийн туслах хэлсэн байна. ОХУ-ын Гадаад хэргийн яамны Зэвсэглэлд хяналт тавих, дэлгэрүүлэхгүй байх газрын дарга Владимир Ермаков энэ хоёрдугаар сард бас Орос, АНУ хоёр цаашид цөмийн зэвсгийн талаар ярицлах боломжтой гэж мэдэгдэж байсан юм. Ермаков ингэхдээ өөрсдөө цөмийн зэвсэгтэй, тэгээд ч америкийн талын холбоотон Фанц, Их Британийг энэ яриа хэлэлцээт оролцуулах ёстой гэж хэлсэн байна. Дунд болон ойрын тусгалтай пуужин устгах тухай хэлэлцээрээс Вашингтон өнгөрөгч 2019 онд дангаараа гарч байгаагаа мэдэгдээд Москваг гэрээгээр хүлээсэн үүргээ биелүүлэхгүй байна гэж буруутгасан юм.

эх сурвалж : "Ардчилал таймс" сонин