Америкийн эдийн засгийн хоригоос болоод Венесуэлийн эдийн засаг нийтдээ 116 тэрбум ам.долларын алдагдал хүлээж байна гэж тус улсын Холбоо мэдээллийн сайд Хорхе Родригес бямба гарагт Каракаст хийлгэсэн хэвлэлийн бага хурал дээрээ мэдэгджээ.
Дональд Трампын засаг захиргааны Боливарын бүгд найрамдах улсад үзүүлсэн эдийн засгийн бүслэлт нь асар их хохирол учруулж байна гэж түүний хэлснийг ТАСС агентлаг эш татсан байна. Венесуэлийн Гадаад хэргийн сайд Хорхе Арреаса үүний өмнө АНУ-ын талаар нэхэмжлэлээ Олон улсын шүүхэд гардуулахаар Гаагад ирж байсан юм. Каракас нь Вашингтоныг 2014 оноос хойш нэг талын хориг тавьснаараа хүн төрөлхтний эсрэг гэмт хэрэг үйлдэж байна хэмээн буруутгаж байгаа юм.
Харин Венесуэлийн эсрэг тавьсан хоригоо АНУ өнгөрсөн хоёрдугаар сарын 7-нд улам өргөтгөж тус улсын агаарын тээврийн Conviasa компанийн эсрэг хориг тавьсан. Венесуэль үүнийг улс орны нь аюулгүй байдалд аюул учруулсан хэрэг гэж нэрлэсэн юм. 

эх сурвалж : "Ардчилал таймс" сонин