Польш улс Европын холбооны экологийн хэм хэмжээнд нийцүүлэхийн тулд ирэх 10 жилийн хугацаанд нүүрсний хэрэглээгээ эрс бууруулна гэж Эрчим хүчний форумын ерөнхийлөгч Жоанна Мачковяк-Пандера хоёрдугаар сарын 14-нд мэдээллийн Newseria агентлагт өгсөн ярилцлагадаа мэдэгдсэн байна. Түүний хэлснээр бол өнөөдрийн Польшийн халаалтын систем үндсэндээ нүүрсэн дээр тулгуурлаж, жил бүр 24-26 сая тонн түүхий нүүрс хэрэглэдэг юм байна. Энэ нүүрсний тэн хагасыг нь л гэхэд хуулийн хэрэглэгчид өөрийн сууцаа халаахад хэрэглэдэг гэнэ.
Польшийн өрх айлууд Европын нийт хувийн хэрэглэгчдийн хэрэглэдэг нүүрсний 87 хувийг хэрэглэдэг юм байна. Нүүрсний хэрэглээ нь хамгийн хуучин тоног төхөөрөмж дээр тулгуурласан болохоор агаарыг дээд зэргээр бохирдуулж, үүнээсээ болон амьсгалын өвчин өсөхөд нөлөөлсөөр байгаа юм. Ийм болохоор нүүрснээс илүү үр дүнтэй эрчим хүчний эх үүсвэр лүү шилжих асуудал чухлаар тавигдаж Эрчим хүчний форум Польшид энэ ажлыг хэрэгжүүлэхэд 10 жилийн хугацаанд 140 тэрбум ам.доллар шаардагдах юм байна. Эрчим хүчний хамгийн хоцрогдсон нүүрсний хэрэглээгээ багасгахгүй байна гэсэн шүүмжлэлийг Польш улс Европын холбооны удирдлагаас байнга хүлээдэг.

эх сурвалж : "Ардчилал таймс" сонин