Алан хядагч террорист “Лалын улс” зэвсэгт бүлэглэлийн эсрэг тэмцэх АНУ тэргүүтэй эвслийн цэргийн Багдадад байрладаг бааз терористуудын пуужингийн галд өртсөн байна. Ирак, Сири дэх цэргийн энэ бүлэглэлийн “Шийдэмгий хүчин” ажиллагааны штабын албан ёсны төлөөлөгч хурандаа Майлс Кэггинсийн мэдэгдсэнээр бол энэ үеэр хэн ч өртөж бэртэж гэмтээгүй гэнэ. “Багдад дахь олон улсын бүсэд байрладаг цэргийн баазын байрлалд хоёрдугаар сарын 16-ны өглөөний 03 цагийн орчим нэг их том пуужин унасан. Хохирол байхгүй, хэргийг мөрдөн шалгаж байна” гэж Кэггинс Twitter хуудсандаа ням гарагт бичжээ. Хурандаа өөр тодорхой зүйл мэдээлээгүй байна.
Үүний өмнө Багдад хот дахь АНУ-ын Элчин сайдын яамны “ногоон бүс”-д яг үдийн хоолны үеэр зоогийн газрын ойролцоо хэд хэдэн пуужин унасан гэж France-Presse агентлаг мэдээлж байсан. Эвслийн цэргийн бааз нь ч бас АНУ-ын Элчин сайдын яамнаас холгүй байдаг юм байна. Өнгөрөгч нэгдүгээр сарын 26-нд бас Багдадын “ногоон бүс”-д таван пуужин унасны нэг нь яг оройн холны үеэр зоогийн газар дээр туссан. Энэ үеэр гурван хүн бэртэж шархадсан гэж Иракийн аюулгүй алба мэдээлснийг Alsumaria телевиз мэдээлсэн. Дипломат төлөөлөгчдийн газрын байрлалаас хүмүүсийг нисдэг тэргээр нүүлгэн шилжүүлсэн гэж тус телевиз мэдээлсэн.