Сирийн Ерөнхийлөгч Башар Асад нийслэл Дамасктаа ираны парламентын спикер Али Ларижанитай уулзах үеэрээ Сирид дайсагнагч улс орнууд алан хядагч террористуудыг хамгаалсаар байна гэж мэдэгдсэнийг түүний засаг захиргаа тараасан байна.
Ираны парламентын төлөөлөгчидтэй уулзах үеэрээ Башар Асад “Сирийн ард түмний дайсагнагч улс орнууд террористуудыг хамгаалахын тулд энгийн номхон ард иргэдийг амьд бамбай болгож байна” гэж мэдэгджээ.
Сирийн ерөнхийлөгч үүнийг хүлээн зөвшөөрөх аргагүй зүйл гээд улс орноо террористуудаас бүрэн чөлөөлнө гэдгээ шийдвэртэй мэдэгдсэн байна.
Ираны парламентын тэргүүн Ларижани хариуд нь Сирийн эрх баригчдаас террористуудын эсрэг хийж буй газар нутгаа чөлөөлөхийн төлөөх тэмцлийг бүрэн дэмжиж байгаагаа илэрхийлээд Сирийн ард түмэн эх орноо террористуудаас бүрэн чөлөөлж чадна гэдэг итгэж байгаагаа хэлсэн байна. Сирийн зэвсэгт мөргөлдөөн 2011 оноос хойш үргэлжилсээр байгаа юм. 2017 оны сүүлчээр Сири, Ирак дахь алан хядагч “лалын улс” зэвсэгт бүлэглэлийг бүрэн яллаа гэж зарласан ч зарим нутагт нь зэвсэгт мөргөлдөөн үргэлжилсээр байна.
Энэ сарын 16 гэхэд л сирийн засгийн газрын цэрэг Алеппо хот, түүний эргэн тойрны газар нутгийг 2012 оноос хойш анх удаа террористуудаас бүрэн чөлөөллөө гэж мэдээллээ. Энд тус хотоос гадна ойр орчны 23 суурин, тосгоныг чөлөөлж өөрийн хяналтад авсан байна. Террористууд эдгээр суурингуудаас Алеппо хотыг их буугаар буудаж энгийн ард иргэдийн аминд хүрч байсан.
Өнөөдрийн гол зорилт бол Сирийн хувьд улс төрийн тогтвортой байдал тогтоох, дүрвэгсэдийг эргүүлж авчрах явдал болоод байгаа юм.