Орос, Беларусь улсуудын хооронд дайн гарах аюул байна гэж Украины Гадаад хэргийн сайд Вадим Пристайко Чехийн Respekt хэвлэлд ярилцлага өгөх үеэрээ мэдэгдсэнийг “Страна.ua” дамжуулсан байна. Беларусь улс тусгаар улс хэвээрээ үлдэхийг хүсч л байгаа бол, Украин шиг хүнд байдалд орчихгүй л гэх юм бол ийм дайн хийхэд хүрнэ гэж В.Пристайко хэдэн жилийн өмнө беларусийн сэтгүүлчдэд бас ярьж байсан. Тэр үед миний хэлж байсныг хэн ч үнэмшээгүй өнгөрсөн гэж сайд хэлээд “Магадгүй одоо тэдний эргэлзээ нь арилж байгаа байх” гэжээ.
Украины Гадаад хэргийн сайд бас беларусиуд “тайван, тэвчээртэй” байх юм бол сөргөлдөөн гарахгүй байх гэдэгт найдаж байгаагаа илэрхийлсэн байна. Уг нь украинчууд бас тийм л байсан. “Гэхдээ тэд (оросууд) та нарыг өнөө хүртэл алж эхлээгүй байгаа болохоор, энэ байдал үргэлжилсээр байх болов уу” гэж В.Пристайко хэлсэн байна. Беларусиудын хувьд хоёр сонголт байна гээд Украины сайд “гадаад орнууд, түншүүдийнхээ тусламжтайгаар” болгоомжтой, тайван байх, эсвэл “шууд одоо тэмцэж эхлэх” хэрэгтэй гэжээ. Үүний өмнө Беларусийн Ерөнхийлөгч Александр Лукашенко Беларусь эрчим хүчний нэгдсэн үнэд шилжих асуудлаар Оросын удирдлагад санал тавьсан гэж мэдэгдэж байсан.

эх сурвалж : "Ардчилал таймс" сонин