“Баруун талын Сулия мужийн Колумбтай хиллэдэг хилийн зааг дахь цэргийн байгууламжууд руу хөлсний цэргийн хэсэг дайрч магадгүй байна” гэж Венесуэлийн Ерөнхийлөгч Николас Мадуро улсынхаа телевизээр энэ сарын 17-нд ярихдаа мэдэгдсэн байна. “Колумбитай хиллэдэг баруун хойд нутагт  урвагч, хөлсний цэрэг, хэт даврагчид байгаа нь манай Сулия дахь цэргийн салбар луу дайрахаар бэлтгэж байна” гэж тэрбээр цэргийнхэнтэй уулзахдаа ярьжээ. Венесуэлийн байгууламжууд руу хэдийнээс халдаж дайрсаар байгаа ч Колумби улс энэ хэрэгт оролцоогүй хэмээн няцаасаар байгаа юм. 2019 оны арванхоёрдугаар сард Колумбийн Гадаад хэргийн яамны хэвлэлийн алба “Н.Мадурогийн ямар ч үндэслэлгүй, өдөөн хатгасан буруутгалыг шийдвэртэй няцааж байна” гээд энэ бол хууль бус яриа гэсэн юм. 

эх сурвалж : "Ардчилал таймс" сонин