АНУ дахиад Оросын эсрэг ээлжит хориг тавих юм бол эхний ээлжинд америкчуудын бизнес хохирно гэж The Hill хэвлэлд бичсэн байна. Энэ хоригийн улмаас дэлхий даяар ажиллаж байгаа Америкийн 3000 гаруй компанид алдагдал учирна гэж The Hill хэвлэлийн тоймч өнгөрөгч оны арванхоёрдугаар сард Сенатад өргөн барьсан Оросын эрчим хүчний салбарын эсрэг хоригийн тухайд бичжээ. “Америкийн хориг эргээд манай зах зээлд нөхцөл байдлыг хүндрүүлнэ. Үүнээс болоод Оросын Украинд явуулж байгаа байдал өөрчлөгдөхгүй. Нэг ажиглагчийн хэлснээр Москва руу чиглэсэн энэ хориг, эргээд Хьюстоныг цохино” гэж тоймч өгүүлэлдээ бичсэн байна.
The Hill хэвлэлийн тоймч мөн өгүүлэлдээ “Оросын эсрэг шинэ хориг нь Америкийг өөрийг нь дэлхий даяарх эрчим хүчний төслүүдээс шахаж гаргана. Мянга мянган хүн ажилгүй болно. Хоёрдугаарт, нүүрс устөрөгчийн дэлхийн зах зээлд тасалдал гарч, бага дунд хэдэн арван мянган бизнес зогсоно. Харин Орос хувьцааны багцыг худалдан авч, Америкийг ямар ч төслөөс амархан түлхээд гаргачхаж чадна” гэж өгүүлжээ.

эх сурвалж : "Ардчилал таймс" сонин