Бээжинд ажиллаж байсан Америкийн The Wall Street Journal (WSJ) хэвлэлийн сэтгүүлч Жош Чин, Чао Дэн, Австралийн иргэн Филип Вэнь нарыг сонины нийтлэлийн гарчгийнх нь төлөө БНХАУ-ын Гадаад хэргийн яам тав хоногийн дотор эх орноос нь явахыг даалгасан байна. WSJ сонины “Үзэл бодол” буланд “Хятад бол Азийн өвчин” China Is the Real Sick Man of Asia гэсэн материалыг уг нь Америкийн академич Уолтер Расселл Мид бичсэн юм байна. Өөр бас WSJ сонины редакц, “Үзэл бодол” булангийн редакц нь бие биенээсээ хараат бус тусгаар ажилладаг гэж The New York Times хэвлэлд бичжээ.
Хятадын түшмэлүүдийн таалалд нийцэхгүй байгаа “Хятад бол Азийн жинхэнэ өвчин” гэсэн гарчиг нь англи хэлтнүүдийн өмнө нь ашиглаж байсан эдийн засгийн хүндрэлийг даван туулж байгаа Европын орнуудыг тодорхойлж байсан “Европын өвчин” гэдэг тогтсон хэллэгийн хуулбар л даа уг нь. The Economist сонин 2007 онд Португалийг ингэж нэрлэж байсан бол ВВС агентлаг 2016 онд Финляндыг бас ингэж нэрлэн бичиж байсан.
АНУ-ын Засаг захиргаа үүний өмнө Хятадын Синьхуа агентлаг, China Global Television Network, Гадаад хэргийн яамын хэвлэлийн алба зэргийг төрийн мэдэлд байна хэмээн нэрлэсэн. Төр хэвлэл мэдээллийн хэрэгслийн дотоод ажилд оролцохгүй ч боловсон хүчнийг ажилд авах, өмч хөрөнгө зэрэгт нь шууд оролцож зөвшөөрөл өгдөг хэмээн АНУ-ын Төрийн идепартаментын төлөөлөгч хэлснийг Financial Times бичсэн. Харин БНХАУ-ын Гадаад хэргийн сайд Ван И энэ тухайд бид хариу арга хэмжээ авна гэж мэдэгдсэн.
“Хятад бол Азийн өвчин” гэдэг нийтлэлд тус улс шинэ төрлийн коронавирусийн халдвартай хэрхэн тэмцэж байгаа талаар л бичсэн юм байна. Хятадын эрх баригчид энэ гарчгийн төлөө сонины редакцыг уучлал гуйхыг шаардсан ч редакц татгалзсанаар ийн сэтгүүлчдийг нь эх орноосоо явахыг шаардсан юм байна.

эх сурвалж :"Ардчилал таймс" сонин