АНУ-ын Төрийн нарийн бичгийн дарга Майк Помпео Америкийн The Wall Street Journal сонины гурван сурвалжлагчийг эх орноосоо явахыг шаардсаныг шүүмжилж “Чөлөөт хэвлэл баримтыг нийтэлж, үзэл бодлоо илэрхийлэх эрхтэй гэдгийг өндөр хөгжилтэй, хариуцлагатай улс орнууд ойлгоно” хэмээн мэдэгджээ. Мэдэгдлийг Төрийн департаментын хэвлэлийн алба хоёрдугаар сарын 19-нд тараасан байна.
Майк Помпеогийнхоор бол хэвлэлийн нийтлэлд хариу үйлдэл үзүүлж болох ч энэ нь үг хэлэх хэвлэн нийтлэх эрх чөлөөг хаан боогдуулах, хязгаарлах хандлагатай биш байх байсан гэнэ. Үүний зэрэгцээ тэрээр Хятадын ард иргэд “яг америкчууд шиг үнэн зөв бодитой мэдээлэл” хүлээн авах эрхтэй гэдэгт итгэж байгаагаа илэрхийлсэн байна.

эх сурвалж :"Ардчилал таймс" сонин