Лхагва гарагт Брюссельд болсон НАТО-гийн парламентын ассамблейн хуралдаан дээр Туркийн хууль бус үйлдлийн талаар грекийн төлөөлөгчдөөр тайлбар хэлүүлээгүйн төлөө Грекийн төлөөлөгчид эсэргүүцэл илэрхийлэн хуралдааныг орхин гарлаа гэж телевизийн Skai суваг мэдээлсэн байна.
Уг нь грекийн төлөөлөгчид Турк-Ливийн хэлэлцээр нь Грекийн тусгаар байдал, олон улсын эрхзүйг зөрчиж байна, хэмээн НАТО-гийн гишүүн Турк улсын хууль бус үйлдлийн талаар төлөөлөгчдөд тайлбарлах гэсэн юм байна.
Туркийн Элчин сайдыг үг хэлсний дараа Грекийн төлөөлөгч үг хэлэх гэсэн боловч хуралдаан даргалагч хэлсэн үгийг нь байнга тасалдуулж байсан гэнэ.
“Хуралдаан даргалагч бидний үг, асуултыг байнга тасалдуулан биднийг байр сууриа илэрхийлэхэд саад болж байсан. Үүнээс болоод бид хэлж байсан үгээ дуусгалгүй орхин эсэргүцэж байгаагаа илэрхийлэн хуралдааны танхимыг орхин гарсан” гэж Грекийн төлөөлөгчид мэдэгдсэн байна.
Энэ мэдэгдэлд Грекийн эрх баригч “Шинэ ардчилал” нам, сөрөг хүчний СИРИЗА болон КИНАЛ өөрчлөлтийн хөдөлгөөний нийт гурван төлөөлөгч гарын үсэг зуржээ.
Гэхдээ Грекийн төлөөлөгчид дараа нь хуралдаанд эргэн орж ирсэн гэж телевиз мэдээлсэн байна.

эх сурвалж :"Ардчилал таймс" сонин