Дэлхий нийтэд тархаад буй COVID-19 халдвар авсан иргэдийн тоо өмнөд Солонгос улсад нэг өдрийн дотор 52-оор нэмэгдлээ. Ингэснээр өмнөд солонгосд  халдвар авсан хүний тоо нийт 156 боллоо.

Шинээр илэрсэн 52 тохиолдлын 38 нь Дэгү хотод бүртгэгдсэн байна. Эдгээр хүмүүс өмнө нь Covid-19-өөр өвчилсөн нь тогтоогдсон 61 настай эмэгтэйтэй хамт тус хотын Шинчонжи шашны урсгалын сүмд явдаг байжээ. Халдвар тархахаас өмнө 61 настай уг эмэгтэйгээс эмч коронавирусын шинжилгээ авахыг хэд хэдэн удаа хүссэн ч өгөөгүй байна. Үүнээс үүдэн халдвар хурдацтай тархжээ. Өмнөд Солонгосоос илэрсэн 31 дэх халдвар тээгч болох уг эмэгтэй нь Хятадад зорчиж байгаагүй, халдварыг ямар замаар авсан нь тодорхойгүй байгаа аж.

Эрх баригчид тархалтын голомт болоод байгаа Дэгү хотыг Хятадын Уханьтай адил тусгаарлан хөл хорио тогтоох арга хэмжээг авч байна. Өмнөд Солонгост коронавирусийн халдвараар 1 хүн нас барсан бол 16 хүн бүрэн эдгэрч, 139 хүн эмчилгээ хийлгэн эмнэлэгт хэвтэж байгаа аж.