Туркийн Ерөнхийлөгч Режеп Тайип Эрдоган өнгөрөгч бямба гарагт ОХУ-ын тэргүүн Владимир Путинтай утсаар хийсэн хэлэлцээрийн үеэр Сирийн засгийн газрын цэрэг, Туркийн зэвсэгт хүчний хооронд болж байгаа сөргөлдөөнд хөндлөнгөөс оролцохгүй байхыг санал болгосон байна. “Би В.Путинаас тэнд, Сирид та нарын ямар сонирхол, зорилго байгаа юм гэж асуусан. Цэргийн бааз байгуулах гэж байгаа юм бол үүнийгээ хий, гэхдээ бидний замаас цэргээ холдуул. Би түүнд биднийг Башар Асадын дэглэмтэй халз тулгаад л орхи гэж хэлсэн” хэмээн Туркийн ерөнхийлөгч Стамбул хотноо депутатуудтай уулзах үеэрээ хэлснийг NTV телевиз шууд дамжуулжээ.

 Р.Эрдоган бас АНУ-ын тэргүүн Дональд Трамп өөртэй нь утсаар ярихдаа Оросууд Сирид юу хийгээд байна гэж асуусан. “Би түүнд Эль-Камышлы районд нефть бий, гэхдээ Дейр-эз-Зорагийнхад хүрэхгүй гэж хариулсан” гэж ярьсан байна. Түүнийхээр бол Анкарад “Сирийн газар нутаг, нефтэд сонирхох үндэслэл байхгүй гэнэ. “Бид ердөө л хилийнхээ дагуу бүсэд аюулгүй байдал тогтоох, үүний тулд л аюулгүйн бүс байгуулах явдал” гэж тэр онцолжээ.
Туркийн Ерөнхийлөгч бас өөрийн нь цэргүүд Сирид “Башар Асадын урилгаар биш, Сирийн ард түмний урилгаар ороод байгаа” гэж хэлсэн байна. “Ийм л болохоор бид Сирийн ард түмнийг хүсэх хүртэл Сирийн нутагт байсаар байх болно” гэж тэр онцолжээ.
Хоёрдугаар сарын 28-ний шөнөөс эхлээд Сири дэх нөхцөл байдал улам хурцдаад байгаа юм. Сирийн засгийн газрын цэрэг цохилт өгсний улмаас Туркийн цэргийн 36 албан хаагч амь үрэгдсэн гэж мэдээлсэн. Үүний дараа Туркийн зэвсэгт хүчин Сирийн байрлалууд руу буудаж цохилт өгсөн юм.