Украины Харьков хотод маршал Жуковын хөшөөг буулгасан явдлыг Ерөнхийлөгч Владимир Зеленский хэрхэн үзэж байгааг түүний хэвлэлийн нарийн бичгийн дарга Юлия Мендель тайлбарласан байна. Мендель фейсбүүктээ төрийн тэргүүн тус хотын удирдлагуудад болж байгаа үйл явдлыг тодруулахыг зөвлөсөн гэж бичжээ. “Тэр бас үндэсний цагдаагийн газар, проукрорт зургадугаар сарын 2-нд болсон үйл явдлыг шалгахыг уриалсан” гэж хэвлэлийн нарийн бичгийн дарга бичжээ.
Харьков хотын үндэсний үзэлтнүүд тус хотын Спортын ордны өмнө байсан маршал Жуковын цээж баримлыг буулгасныг оросууд шүүмжилж байгаа юм. ОХУ-ын Батлан хамгаалах яамны албан ёсны төлөөлөгч хошууч генерал Игорь Конашенков энэ явдлыг “Туйлын хариуцлагагүй, танхайрал” гэж нэрлэсэн байна.