Оросын Агаар-сансрын цэргийн хүчин Сирийн Идлиб мужийн суурин газруудад агаараас цохилт өгч байгаа нь цэргийн гэмт хэрэг гэж НҮБ-ын Сирийн асуудал хариуцсан комиссын илтгэлд дурдсаныг Туркийн мэдээллийн Anadolu агентлаг дамжуулжээ.
Илтгэлд энэ нь тухайн “Сирийн Ардчилсан хүчин”-ий хяналтад байгаа бүс дэх Сирийн энгийн номхон ард иргэд, ялангуяа хүүхдийн эрхийг зөрчиж байгаа хэрэг гэж тэмдэглэсэн байна.
НҮБ-ын дэргэдэх АНУ-ын байнгын төлөөлөгч Келли Крафт өнгөрөгч долоо хоногийн бямба гарагт Аюулгүйн зөвлөлөөр Сирийн асуудлыг хэлэлцэхэд Оросыг тус улс дахь байлдааны онгоцуудаа буулгахыг уриалсан. Тэр бас Сирийн цэргүүд болон тэдний холбоотон оросуудад 2018 онд тогтоосон хязгаарлалтын шугам руу ухрахыг санал болгожээ.
Оросын агаар-сансрын цэргийн хүчин сирийн Идлиб мужийн 18 суурин газарт агаараас цохилт өгсөн талаар хоёрдугаар сарын 24-нд мэдээлж байсан. Энэ бол сирийн Идлиб умжийн өмнөд нутгийн Кефренбил, Кен-Сафра, Ихсем, Суфухун, Хазарин, Кафер-Нюббюл, Кафер-Увейд, Инниб, Бсенкул, Жузеф, Хас, Бара, Мархурме, Дейр-Сюнбюл, Бинин, Алеппогийн баруун зүгт оршдог Дарет-Иззе, Кафр-Нуранк, Жине суурингуудыг хэлж байгаа юм. Гэхдээ энэ мэдээлийг хэн ч батлаагүй гэж оросууд тайлбарлаж байна.
Харин үүнээс хоёр хоногийн дараа Орос, Сирийн цэргийнхэн Идлиб муж дахь зэвсэгт дайчдын байрлалыг агаараас дайрсан. Энэ ажиллагаанд Оросын МиГ-23, агаар сансрын хүчний Су-34, Сирийн цэргийн нисэх хүчин оролцжээ.
Сирийн Засгийн газрын цэрэг Идлиб мужид давшиж хоёрдугаар сарын 28-ны шөнө Туркийн цэргүүд хариу давшсаны дараа Туркийн цэргийн байрлалд цохилт өгснөөр 33 цэрэг амь үрэгдэж, 32 хүн шархадсанаар энэ бүсэд нөхцөл байдал хурцдаад байгаа юм.

эх сурвалж : "Ардчилал таймс сонин"