Өмнөд Солонгосын Samsung корпорац Samsung Galaxy S20 гар утсаа өнгөрөгч хоёрдугаар сарын 27-нд худалдаанд гаргасан ч эхний өдрөө өмнөх жилүүдийн амжилтдаа хүрч чадсангүй. Энэ нь тус улсад маш хурдацтай тархаж байгаа шинэ төрлийн коронавирусийн халдвартай, нөгөө талаар хямдралгүй байсантай холбоотой байж магадгүй хэмээн мэдээллийн Yonhap агентлаг мэдээлсэн байна.
Тус агентлагийн мэдээлснээр бол худалдааны эхний өдөр компани өөрийнхөө улсад ердөө 70.8 мянган ширхэг гар утас худалджээ. Гэтэл өмнөх Galaxy S10 гар утас худалдаанд гарсан эхний өдрөө 140 мянга нь эзэндээ очиж байсан бол Galaxy Note 10 нь нэг хоногийн дотор 220 мянган ширхэг борлуулагдаж байжээ.
Энэ бүхэн коронавирусийн халдвар тус улсад маш хурдтай тархаж олон хүн өвчилж байгаагаас иргэд олон нийтийн болон худалдаа арилжааны газраар явахаас эмээж байгаатай хоблоотой гэж хэвлэлүүд тайлбарлаж байна
Өнгөрөгч сарын дундуур танилцуулж байсан Galaxy S20 гар утас нь AMOLED дэлгэцтэй, хүчирхэг Snapdragon 865, Exynos 990, ОС Android 10 процессортой юм. Мөн 108 мегапикселийн дуран, 100 кратын зум-тай, 6.9 дюймын дэлгэц, 16 Гб ОЗУ болон 512 Гб-ийн санах ойтой юм байна.

эх сурвалж : "Ардчилал таймс сонин"