АНУ, хэвлэл мэдээлэл, сэтгүүлчдийн ажилд хүлээн зөвшөөрөх аргагүйгээр хөндлөнгөөс оролцож байна гэж НҮБ-ын дэргэдэх БНХАУ-ын тусгай төлөөлөгч Жан Зюнь хэвлэлийн мэдээлэл дээр дурджээ.
Хятадын төрийн мэдлийн хэвлэл мэдээллийн хэрэгслүүдээс АНУ-д ажиллаж байгаа сэтгүүлч, сурвалжлагчид өнөөдөр 160 хүн байгааг 100 болгон хорогдуулна гэж АНУ-ын төрийн департаментын өндөр албаны төлөөлөгч даваа гарагт мэдэгдсэн. Энэ шинэ журмыг гуравдугаар сарын 13-наас эхлэн мөрдөнө, тэгэхээр Хятадын хэвлэл мэдээллийн хэрэгслүүд АНУ-д байгаа сэтгүүлч, сурвалжлагчдаа цөөлөх хэрэгтэй гэж тэр онцолсон байна.
“Үг хэлэх эрх чөлөөг дээдэлдэг гэдэг энэ улс орон сурвалжлагчдын ажлыг бүрэн дэмжих ёстой. Хятад, АНУ-ын хооронд ялгаа бий, гэхдээ энэ нь Хятадаас өөрийнх нь улсад ажиллаж байгаа сэтгүүлчдийн ажилд хөндлөнгөөс оролцох тийм алхам хийнэ гэж бид бодохгүй байна” гэж Жан Зюнь хэлжээ.
Америкийн засаг захиргааны шийдвэрээр бол China Radio International өөрийнхөө хоёр, China Daily сонин ес, China Global Television Network (CGTN) телевиз 30, мэдээллийн Синьхуа агентлаг 59, сурвалжлагч ажилтнаа АНУ-аас эргүүлэн татах болж байгаа юм. 

эх сурвалж : "Ардчилал таймс сонин"