Хятадын өмнөд нутгийн Гуандун, Гонконг, Макао мужуудад 180 жилийн өмнө улс оронд дэгдсэн Хар тамхины дайны дурсгалд зориулан мансууруулах бодис шатаах ёслол болж мянга мянган хүн оролцлоо гэж Синьхуа агентлаг зургадугаар сарын 3-нд дамжуулжээ.
Ёслол Цин гүрний өндөр албаны түшмэл Линь Зэсюйн хил давуулж орж ирсэн хар тамхийг 1839 онд шатааж байсан Хумэнь хот дахь Хар тамхины дайны музейн өмнөх талбайд болсон байна.

Ёслолын үеэр сүүлийн жилүүдэд хурааж авсан хар тамхи, мансууруулах бодисыг дөрвөн зууханд шатааж, Гуандун, Гонконг, Макаогийн залуу үеийн төлөөлөгчид Линь Зэсюйн удмын хүн болох Линь Хунханийн удирдлагаар хар тамхины эсрэг тангараг өргөсөн байна. Хар тамхи шатаах ийм ёслол Хятадын 120 газарт болсон байна.
Хятадад хар тамхитай тэмцэх, опиум шатаах ажил 1839 оны зургадугаар сарын 4-нд яг энэ Хумэн хотод Линь Зэсюйгийн удирдлагаар эхэлж гадаадын худалдаачдаас хураасан 1.4 тонн мансууруулах бодисыг 23 хоногийн турш шатааж устгасан юм байна. Энэ үйл явдал нь түүхэнд хар тамхины дайн хэмээн нэрийдсэн Хятад-Британийн дайны эхлэл болсон юм.
Хоёр орны худалдааны балансыг тэнцвэржүүлэх гэж Британийн эзэнт гүрэн хятадад опиум оруулахыг хүссэн ч энэ нь үр дүнд хүрсэнгүй, хятад ч опиум оруулахыг хатуу хориглосон юм.