АНУ-ын Ерөнхийлөгч Дональд Трампын сонгуулийн штаб “The Washington Post” сониныг төрийн тэргүүн Оростой яриа хэлэлцээ хийсэн хэмээн мэдээлснийх нь төлөө шүүхэд өглөө гэж Fox News гуравдугаар сарын 4-ний лхагва гарагт мэдээлжээ. Д.Трампын сонгуулийн штаб хэвлэлийн энэ мэдээллийг “Худал, гүтгэлэг” хэмээн нэрлэсэн гэнэ. Штабын зөвлөх Женна Эллисийн хэлснээр бол хэвлэлийн энэ худал гүтгэлгийг хэвлэгдсэн хойно нь л мэдсэн гээд энэ бол Дональд Трампын сонгуулийн өмнөх кампанит ажлыг гутаах зорилгоор ийм мэдээлэл түгээж байна гэжээ.
Сонгуулийн штаб үүний төлөө сонины газраас сая доллар нэхэмжлэн Вашингтон дахь Нэгдсэн мужуудын шүүхэд нэхэмжлэл гарган хандсан байна. “The Washington Post” сонин өнгөрсөн хоёрдугаар сард бас ирэх намар болох АНУ-ын Ерөнхийлөгчийн сонгуульд Москва хөндлөнгөөс оролцон нөлөөлж магадгүй гэж бичиж байсан. Сонинд бичсэнээр бол Орос Ардчилсан намаас нэр дэвшихээр өрсөлдөж байгаа Берни Сандерст тус болж магадгүй гэжээ.
АНУ-ын Ерөнхийлөгчийн 2016 оны сонгуульд Орос нөлөөлсөн эсэх талаарх Америкийн тусгай прокурор Роберт Мюллерийн илтгэл 2019 оны дөрөвдүгээр сард нийтлэгдсэн. Энд өгүүлснээр бол Москва 2016 оны сонгуульд ямар ч нөлөө үзүүлээгүй, Д.Трамп Оростой ямар нэг яриа уулзалт хийгээгүй гэсэн байна.

эх сурвалж :"Ардчилал таймс сонин"