Оросын 40 орчим банк өнөөдөр дампуурлын ирмэгт байгаа нь нэг жилийн дотор лицензээ хураалгаж магадгүйд хүрээд байна гэж “Эксперт РА” агентлаг судалгааны дүндээ өгүүлжээ. “2019 оны эхээр бид 46 банкийг ойрын 12 сарын хугацаанд дампуурна гэж төсөөлөл гаргасан ч үнэндээ 28 нь санхүүгийн чадваргүй болж дампуурсан” гэж “Эксперт РА”-гийн баталгаажуулалтын гүйцэтгэх захирал Юрий Беликов мэдэгдсэн байна. Түүнийхээр бол өнгөрсөн жил дампууралгүй үлдсэн банкуудын хувьд энэ жил тэдний араас орох гэнэ.
Энэ оны эхний байдлаар Орост 442 банк ажиллаж байгаагаас рейтингийн шинжээчдийн үзэж байгаагаар 402 нь л санхүүгийн тайлангаа тогтмол, үнэн зөв гаргадаг юм байна.
Улс орны эдийн засаг эрс муудаж байгаагаас болоод оросын банкууд зээлдэгчийн асуудлаас ангижирахыг хүсэх боллоо гэж өмнө нь мэдээлж байсан. “Санхүү, нягтлан бодохын зөвлөгөө” компанийн Стратеги судалгааны хүрээлэнгийн захирал Игорь Николаев банкууд түншүүд нь эргүүлж төлөхгүй байсаар байхад зээл олгосоор байдаг нөхцөл байдлаас банкууд татгалзаж чадахгүй байна гэжээ.

эх сурвалж :"Ардчилал таймс сонин"