АНУ-ын ерөнхийлөгч Дональд Трамп шинэ коронавирусийн дэгдэлтийн эсрэг авах арга хэмжээнүүдээ Цагаан ордон дахь албан тасалгаанаасаа нийт америкчуудад танилцуулсан байна.

 Баасан гарагаас эхлэн Европоос АНУ-д ирэх бүх нислэгийг 30 хоногийн хугацаатай зогсоохоор шийдвэрлэсэн бөгөөд энэ шийвдэр Их Бринати улсад хамааралгүй гэнэ.

Дональд Трамп нь хэлэхдээ “Бид холбооны засгийн газрын болон хувийн хэвшлийн бүх хүч чадлыг Америкийн иргэдийг хамгаалахад зориулж байна. Энэ бол орчин үеийн түүхэнд гадаад орноос гаралтай вирусийн эсрэг тэмцсэн хамгийн иж бүрэн, хамгийн дайчин арга хэмжээ юм” гэв. Мөн Тэрээр АНУ-д Covid-19 вирусийг тараасан гол буруутан бол  Европын орнууд гэж хэлсэн байна.

Өчигдөр АНУ-ын хөрөнгийн зах зээлийн индексүүд коронавирусийн гамшгийн нөлөөгөөр түүхэн доод хэмжээндээ хүртэл унаад байна. Тэгвэл Трамп вирусийн халдвартай иргэдийн болон хохирол амссан аж ахуйн нэгжүүдийн татварыг хөнгөлөх, санхүүгийн дэмжлэг үзүүлэх чиглэлийг Сангийн яамандаа өгсөн тухай мэдэгджээ.

Өнөөдөр АНУ-д шинэ коронавирусийн халдварын 1,281 тохиолдол бүртгэгдэж, 37 өвчтөн нас бараад байна.