Петербургийн олон улсын эдийн засгийн форумын хүрээнд ОХУ-д албан ёсоор айлчилж байгаа БНХАУ-ын дарга Си Зиньпин, ОХУ-ын Ерөнхийлөгч Владимир Путинтай өчигдөр Кремльд хэлэлцээр хийж Умард Солонгосыг цөмийн зэвсэггүй болгохоос эхлүүлээд Венесуэлийн хямрал хүртэлх олон улсын өнөөгийн байдлын талаар өргөн хүрээтэй ярилцсан гэж ОХУ-ын ерөнхийлөгчийн туслах Юрий Ушаков мэдэгдсэн байна.

Хоёр орны төрийн тэргүүн эхлээд ганцаарчлан уулзаж ярилцсан бол дараа нь засгийн газар хоорондын таван комиссын төлөөлөгчдийг оролцуулан өргөтгөсөн хэлбэрээр хэлэлцээ хийсэн байна. Хэлэлцээрт оросын гол гол салбарын сайд, томоохон компанийн захирал, ерөнхийлөгч нар оролцжээ.

Си Зиньпиний айлчлалын хүрээнд хоёр орны эдийн засгийн харилцааны чиглэлээр нийт 30 баримт бичигт гарын зүсэг зурна гэж оросууд төлөвлөснийг Юрий Ушаков онцолсон байна. Энд хүнд нисдэг тэрэг, алсын тээврийн онгоц барих төсөл, сансар эзэмших, дэд бүтэц хөгжүүлэх, санхүүгийн хамтын ажиллагааны асуудлууд орж байна. “Мэдээж, хятадын “нэг бүс, нэг зам” төслийн хүрээн дэх Евразийн эдийн засгийн холбоо байгуулах асуудал байлаа гэж ерөнхийлөгчийн зөвлөх хэлжээ.

Төрийн тэргүүнүүд солонгосын хойгийн асуудлыг шийдвэрлэх, зүүн хойд Азидэнхтайван аюулгүй байдал тогтоох асуудлыг нухацтай хэлэлцжээ. Ираны цөмийн хөтөлбөрийн асуудлаар ярилцаж Бүх нийтийн хамтын үйлчлэлийн төлөвлөгөөний (СВПД) эргэн тойрны талаар санал солилцсон байна. Мөн Сири, Венесуэль, Ази Номхон далайн бүсэд хамтран ажиллах тухай харилцан ярилцжээ.
БНХАУ-ын дарга энэ сарын 6-7-ны өдрүүдэд Санкт-Петербург хотноо болох Петербургийн олон улсын эдийн засгийн форумд оролцох юм.

Москвагийн хулсны баавгай

Хэлэлцээрийн дараа Путин, Си Зиньпин нар хоёр орны хооронд дипломат харилцаа тогтоосны 70 жилийн ойд зориулсан баярын арга хэмжээнд оролцсон байна. Тэд Москвагийн амьтны хүрээлэнд зочилж Хятадын засгийн газраас энд бэлэглэсэн хоёр том хулсны баавгайг шилжүүлэн өгөх ёслолд оролцжээ. Путины Хятадад өнгөрсөн дөрөвдүгээр сард хийсэн айлчлалын дараа судалгаа шинжилгээний зориулалтаар Орост хоёр хулсны баавгай шилжүүлэн өгнө гэж Хятадууд зарласан юм байна. Тохирсны дагуу Эуи нэртэй эр баавгайг Диндин нэртэй эм баавгай эвшийн хамт бэлэглэж өгсөн юм. Хоёр баавгайг Сычуань мужаас дөрөвдүгээр сарын 29-нд илгээснэ нь одоо Москвагийн амьтны хүрээлэнд хэдийнээ идээшсэн гэнэ.

ТАСС, Синхуагийн гэрэл зургийн үзэсгэлэн

Өчигдөр орой Орос, Хятадын тэргүүнүүд хоёр улсын хооронд дипломат харилцаа тогтоосны 70 жилийн ойд зориулсан концерт Их театрт үзэхийн өмнө орос, хятадын мэдээллийн ТАСС, Синьхуа агентлагийн зохион байгуулсан “Орос, Хятад: Хамтын ажиллагааны 70 жил” нэртэй гэрэл зургийн үзэсгэлэн үзсэн байна. Энд дэлгэсэн гэрэл зургууд хоёр орны гэрэл зурагчдын дэлхийн гол гол үйл явдлын түүхийг өгүүлсэн байна. 1949 оны аравдугаар сарын 3-нд Бээжингийн Тяньаньмэний талбайд Мао Зэ Дун БНХАУ байгуулснаа зарлаж байсныг ТАСС агентлагийн гэрэл зурагчин Владимир Рогов хальсанд буулгаж авсан түүхэн зураг ч энд байна.