Агаар, сансрын SpaceX компанийг үнгдэслэгч, Tesla компанийн тэргүүн Илон Маск өөрийн SpaceX компанийн ажиллагсдад захидал бичиж хамтран ажиллагсад нь шинэ төрлийн коронавирусийн халдвар авахад эргэлзэж байгаагаа илэрхийлсэн байна. Түүнийхээр компанийн ажиллагсад нь энэ халдвараар өвчлөхөөсөө илүүтэй авто осолд өртөх магадлал өндөр байгааг анхааруулжээ хэмээн албаны эх сурвалжаас авснаа BuzzFeed хэвлэл дамжуулсан байна. SpaceX-ийн тэргүүн өөрийн илгээлтдээ коронавирусийн халдвар нь АНУ-ын иргэдийн амь нас эрүүл мэндэд хорт нөлөө үзүүлдэг эхний зуун аюулын жагсаалтад ч ороогүй байна гэжээ.
“Коронавирусийн халдвараар үхэх эрсдэл гэртээ явах замдаа авто осолд орж амь алдахаас ч доогуур байна” гэж Илон Маск тэмдэглэсэн байна. Түүнийхээр өнөөдөр АНУ-д энэ өвчний халдвараар нас барсан хүн 36 байгаа бол авто ослын улмаас мөнх бусыг үзүүлсэн хүн 26 мянга байгаа гэнэ. Ийм болохоор бие чинь тавгүй байгаа бол гэртээ үлдсэн нь дээр гэж Илон Маск ажилтнууддаа анхааруулжээ.
Харин эрүүл мэндийн салбарын шинжээчид Илон Маскийг “хуурамч дүгнэлт” хийж байна хэмээн шүүмжилж байна. Жон Хопкинсийн их сургуулийн эмнэлгийн аюулгүй байдлын төвийн эрдэм шинжилгээний ажилтан Амеш Адалжа түүнийг утгагүй харьцуулалт хийлээ гэсэн байна. Ийм байр суурийг Калифорнийн их сургуулийн халдварын тэнхимийн доцент Брэндон Браун бас дэмжиж байгаа гэнэ. Тэрээр Илон Маскийн харьцуулалтыг “солиотой зүйл” гэжээ.
Коронавирусийн талаар И.Маск байр сууриа илэрхийлж байгаа нь ганц энэ биш. Тэрээр гуравдугаар сарын 7-нд твиттер хуудсандаа халдварын тархалтад хүмүүс утгагүй сандарч байна, ийм сандрал нь тэнэг зүйл гэсэн юм. Шинэ төрлийн коронавирусийн халдварын тархалтаас болоод АНУ Европын орнуудаас ирэх иргэдэд 30 хоногийн хугацаатай хориг тавиад байгаа юм. Мөн Ерөнхийлөгч Дональд Трамп улс орондоо онц байдал зарлажээ. Дараа өдөр нь Их Британи болон, Ирланд улсаас иргэдийг улсдаа оруулахгүй хэмээн зарласан байна.

эх сурвалж :"Ардчилал таймс сонин"