Украины ерөнхийлөгч Владимир Зеленский НАТО-д ажиллах үеэрээ Оросын түрэмгийлэл үргэлжилсээр байгааг мэдэгдээд энэ бол евро атлантын авюулгүй байдлын гол аюул гэж нэрлэсэн байна. Тэр Украин улс Оростой хэлэлцээр хийхэд бэлэн байна гээд юун түрүү аюулгүй байдлаа бэхжүүлэх сонирхолтой байна гэж Брюссель дэх НАТО-гийн албан байранд үг хэлэхдээ Зеленский мэдэгджээ. “Бид Оростой хэлэлцээр хийх, Минскийн гэрээг бодит зүйл болгоход бэлэн байна. Гэхдээ юун түрүү өөрийгөө хамгаалах, эдийн засаг, улс төр, цэргийн хувьд хүчирхэг болох хэрэгтэй байна” гэж Зеленский энд англи, украин хэлээр мэдэгдсэн байна.

Украиныг дэмжиж байдагт НАТО-д талархаж байгаагаа илэрхийлээд хар тэнгисийн бүсэд тогтвортой байдлыг хангахын тулд НАТО-г нэмэлт хүч чармайлт гаргахыг уриалжээ. “Украин өөрийгөө хамгаалах чадвартай, ардчилсан, тогтвортой улс байх нь европын аюулгүй байдлын салшгүй нэг хэсэг” гэж Зеленский онцолсон байна.
Өнгөрөгч тавдугаар сарын 23-нд Владимир Зеленский Оростой хэлэлцээр хийх боломжгүй гэж мэдэгдэж байсан юм. Оростой хэлэлцээр хийх үү гэсэн асуултад тэр “Үгүй” гэж байсан юм.
ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков Минскийн гэрээг хэрэгжүүлэх, хоёр орны харилцааг хэвийн болгоход Москва Киевийг хүлээж байгаа, ганцхан энэ чиглэлд тодорхой алхам гарахгүй байна гэж үүний өмнө мэдэгдэж байсан юм.