Гуравдугаар сарын 17-ноос 18-нд шилжих нэг хоногийн дотор шинэ төрлийн коронавирусын халдвараар дэлхий дахинаа 11 мянга гаруй хүн өвчилж 475 хүн нас барлаа гэж Дэлхийн эрүүл мэндийн байгууллагын тайланд тэмдэглэсэн байна. Тайланд бичсэнээр бол энэ нэг хоногт 11 526 хүн коронавирусийн халдвар авсан нь тогтоогдож манай гараг дээр энэ өвчнөөр өвчилсөн нийт хүний тоо 194 873 болжээ. Ганцхан хоногийн дотор дэлхийн улс орнуудад энэ халдварын улмаас 475 хүн нас барснаар хятадын Ухань хотод энэ өвчин анх гарснаас хойш манай гаригийн нийт нас барсан хүний тоо 7865 болж байна. Харин өнгөрсөн хугацаанд эдгэрч гарсан хүн 80840 байна. Өнгөрсөн 24 цагийн дотор шинэ төрлийн коронавирсуны өвчлөл найман улс оронд шинээр бүртгэгджээ. Дэлхийн эрүүл мэндийн байгууллага энэ өвчний тархалтыг цар тахлын хэмжээнд хүрлээ гэж гуравдугаар сарын 11-нд албан ёсоор зарлаад байгаа юм.