Шинэ төрлийн коронавирусийн тархалт Европын олон улс оронд эхний шатандаа байгаа болохоор энэ өвчнөөр нас барагчдын тоо энэ тивд ойрын үед нэмэгдэж болзошгүй гэж Дэлхийн эрүүл мэндийн байгууллагын албан ёсны төлөөлөгч Тарик Язаревич мэдэгдсэн байна. “Европын бусад орныг бодвол Италид халдварын тархалт асар өндөр байна. Ийм болохоор ихэнх өвчтөн нэг бол эдгэрэх, эсвэл үхэх нь гарцаагүй. Европын бусад орнуудад бол халдвар дөнгөж эхний шатандаа байгаа болохоор ойрын өдрүүд, долоо хоногт үхэл нэмэгдэж магадгүй” гэж ДЭМБ-ын төлөөлөгч хэлснийг РИА Новости агентлаг эш татан дамжуулжээ.
Италид өвчний халдварын улмаас нас барсан хүний олонх нь 2-3 долоо хоногийн өмнө халдвар авсан, үхэл одоо ч үргэлжилсээр байгаа болохоор энэ өвчний тархалтын ид үе хэзээ болохыг ДЭМБ таамаглан урьдчилан хэлж чдаахгүй байна гэж Т.Язаревич хэлсэн байна. Коронавирусийн тархалтыг цар тахлын хэмжээнд хүрлээ, одоо Европ тив өвчний голомт боллоо хэмээн Дэлхийн эрүүл мэндийн байгууллага өнгөрөгч долоо хоногийн лхагва гарагт зарласан.

эх сурвалж :"Ардчилал таймс сонин"