Испанийн хаан Филипп VI өөрийн өвлөж авах ёстой байсан эцэг хаан Хуана Карлос I-ийн хөрөнгийг өвлөн авахаас татгалзлаа гэж хааны ордны мэдэгдэлд дурдсан байна. “Эрхэм дээдэс хаан эцэг Хуан Карлос нь хууль бусаар олж авсан байж болох хөрөнгө, хувьцаа, хөрөнгө оруулалт, санхүүгийн байгууллагуудыг өвлөн авахаас татгалзаж байгаагаа өөрөө албан ёсоор мэдэгдлээ гэж ордны хэвлэлийн мэдээлэлд дурджээ. Хуан Карлос Саудын Арабаас мөнгө авч байгуулсан Панамын Lucum Foundation сангаас өнөөгийн хаан Филипп VI мөнгө авдаг байж магадгүй гэсэн мэдээлэл гарсны улмаас  тэрээр ийм шийдвэр гаргасан гэж мэдээлэлд дурдсан байна. Хуан Карлос I-ийн нэрээр Панамын энэ санд 100 сая ам.доллар шилжүүлсэн хэргийг прокурор мөрдөн шалгаж байгаа хэмээн El Pais сонин үүний өмнө мэдээлсэн. Испанийн хааны ордны мэдэгдэлд ийм сан байдаг талаар Филипп VI хаан огт мэдээгүй гээд харин 2019 оны гуравдугаар сард эзэн хаан Британийн хуулийн Kobre & Kim фирм өнөөх Lucum Foundation санг өөрийн нь нэр дээр шилжүүлэх тухай мэдэгдсэн захидал ирүүлсэн гэдгийг дурджээ. Гэхдээ үүнийг баталгаажуулаагүй байна. Филипп VI 2014 оны зургадугаар сарын 19-нд өөрийн эцэг Хуана Карлос I-ээс хааны титэм хүлээн авч байсан. Түүний эцэг тэр үед 76 настай байсан болохоор одоо залуу эзэн хааны ээлж болсон гэж мэдэгдсэн. Хуан Карлоc I Испанийн дарангуйлагч Франсиско Франког нас барсны дараа 1975 онд 39 настайдаа хаан ширээнд суусан.

эх сурвалж :"Ардчилал таймс сонин"