Дэлхийн хоёрдугаар дайны үед Германы талд байлдаж байсан Латвийн СС-ийн легионы өнөөдөр амьд сэрүүн байгаа ахмад дайчдыг Латвийн болон АНУ-ын төрийн дээд шагналуудаар шагналаа гэж мэдээллээ. Энэ шагналыг Орост болсон дугуй ширээний ярилцлага дээр тавьсан “Нацистуудын гэмт хэрэг. Латвийн СС-ийн легионуудаас өнөөдөр 96 хүн амьд сэрүүн байна” гэсэн илтгэлийн дараа гардуулсан байна. Энэ илтгэлийг “Түүхэн дурсгал” сан, Еврейн соёл, уламжлал, боловсрол шинжлэх ухааныг дэмжих сангаас хамтран бэлтгэсэн юм байна. Илтгэлд Латвийн энэ ахмад дайчид өнөөдөр АНУ, Их Британи, Канад, Бразил, Австрали, Аргентин, Латви улсуудад амьдарч байгаа юм байна.
Латвийг Зөвлөлтийн улаан арми чөлөөлсний дараа тэд баруунд зугтан гарч зарим нь холбоотны цэрэгт олзлогдож байгаад барууны орнуудад гарч амьдарсан юм байна. Энэ хүмүүс дайны дараа өөр өөр улсад амьдарч байсан ч өөрийн “Ястребы Даугавы” гэдэг байгууллага байгуулан харилцаа холбоо тогтоосон гэнэ. Оросууд тэдний заримыг цэргийн гэмт хэрэгтэн гэж үздэг ч өөрсдөө болохоор Латвийг Зөвлөлт холбоот улс түрэмгийлэн эзлэхээс хамгаалж явсан гэдэг байна.

эх сурвалж: "Ардчилал таймс сонин"