Манай галактикийн төвд оршдог сансрын хар нүхний идэвхжил 2014 оноос эрс нэмэгдсэн гэж одон орончид Astronomy & Astrophysics нийтэлсэн өгүүлэлдээ баталжээ. Энэ бол манай дэлхийгээс 26 мянган гэрлийн жилийн зайд, Сүүн замын төвд оршдог Стрельца А*  хар нүхийг хэлж байгаа нь энэ.  Манай Галактикийн төв нь өдөр бүр цахилгаан соронзон гэрлийг даган үл ялиг өөрчлөгддөг гэнэ. Үүнтэй холбоотойгоор Стрельца А*-ийн туяа нь 2014 оноос хойш ихээхэн нэмэгджээ. Энэ обьектын эргэн тойронд өмнөхөөс хүчтэй цацраг туяарч, цаг хугацаа өнгөрөх тутам улам тод болж байна гэснийг РИА Новости агентлаг дамжуулсан байна. Бельгийн одон орны физикч Эммануэль Моссуу, Францын одон оронч Никола Гросс нарын сансрын хар нүх Стрелец А*-ийг XMM-Newton, Chandra & Swift дуран авайгаар 16 жил ажигласан  тайланд  энэ хугацаанд нийтдээ 107 тэсрэлт ажиглагдсан гэсэн байдаг. Гэтэл 2014 оны наймдугаар сарын 31-нээс хойш ийм хурц гэрэл, тэсрэлт бүр гурав дахин нэмэгдсэн гэжээ.

эх сурвалж :"Ардчилал таймс сонин"