Беларусын зарим хэвлэлийн мэдээлж байгаагаар тус улс Оростой залгаа хилийнхээ хамгаалалтыг чангатгаж хилчдэд нэмэлт хүч болгон хэдэн зуун цэрэг шинээр байрлуулж байгаа гэнэ. Шинээр ирж байгаа хилчдийг Беларус, ОХУ-ын хилийн заагт арав арван хүнээр ойр ойрхон байрлуулах замаар хяналтыг чангатгах юм байна. Гэхдээ энэ арга хэмжээ нь Оростой залгаа хилээ хаах биш нэвтрүүлэх хяналтыг илүү найдвартай болгож чангатгах зорилготой гэнэ. Ийм байдлаар Беларусын авч хэрэгжүүлж байгаа арга хэмжээ нь Москвагийнхаас огт өөр гэж сэтгүүлчид бичиж байна. ОХУ бол Беларустай хилээ хаасан нь хөрш, холбоотон орон ард иргэдийнхээ харилцан зорчихыг хаан боогдуулж байгаа хэрэг гэжээ.