Чех улс коронавирус эмчлэх эм оллоо гэж зарласан байна. Чехийн Эрүүл мэндийн сайд Войтех Адам телевизийн нэг сувгаар ярих үеэрээ эм үйлдвэрлэлийн Sanofi Aventis компанийн үйлдвэрлэсэн хумхаагийн эсрэг Plaquenil эм нь коронавирусийн эсрэг үйлчилгээтэй учраас хэрэглэж болно гэж мэдэгдсэн байна. Түүнийхээр бол энэ эм нь коронавирусийн эсрэг маш үр дүнтэй нөлөө үзүүлнэ гэнэ. “Шинжлэх ухааны мэдээллээс үзэхэд plaquenil эм нь covid-19-ийг эмчлэхэд үнэхээр үр ашигтай нь харагдаж байна. Ийм болохоор энэ эмийг хүрэлцээтэй болгох хэрэгтэй” гэж сайд онцолжээ.
Plaquenil эмийг бүх эмч бичдэггүй, зөвхөн харшил судлал, клиникийн дархлаа судлал, хэрэх өвчин, халдварын мэргэжлийн мэргэшсэн эмч нар л бичдэг юм байна. Бас энэ эмийг эмийн сангуудаар худалдаалдаггүй, тэр бүү хэл эмийн жор дээр өвчтөний зовиурыг тодорхой заагаагүй бол олгодоггүй гэнэ. Үүний өмнө Италид бас коронавирусийг хэрэх өвчний эсрэг “тоцилизумаб” гэдэг эмээр эмчилж болно гэж мэдэгдээд байгаа юм.

эх сурвалж :"Ардчилал таймс сонин"