Британийн “Channel 4” телевиз “Путин: Орос тагнуулчийн түүх” (Putin: A Russian Spy Story) нэртэй Оросын Ерөнхийлөгч Владимир Путины тухай гурван бүлэг цуврал баримтат киног гуравдугаар сарын 23-наас эхлэн үзүүлж байна. Баримтат кинонд ерөнхийдөө л “харгис домгийн арын хүн” гэдгийг харуулсан гэж The Guardian сонинд бичжээ.
Кинонд Холбооны аюулгүйн албаны ажилтан байгаад Лондон хотноо 2006 онд полони-210-т хордож үхсэн Александр Литвиненкогийн бэлэвсэн эхнэр Марина Литвиненко, мөн Борис Ельцины охин Татьяна Юмашова нартай хийсэн ярилцлагууд орж байна. Александр Литвиненког Оросын тагнуулын алба хордуулсан гэж Британи өнөө хүртэл үздэг. Цуврал киноны эхний ангид Владимир Путины Улсыг аюулаас хамгаалах газрын тагнуулаас эхлээд улс төрийн зүтгэлтэн болсон замналыг ярьж байна.
“Путин: Орос тагнуулчийн түүх” цуврал баримтат киноны зураг авч байгаа нь бүр 2019 оны наймдугаар сард тодорхой болсон юм байна. Цувралын найруулагчаар ВВС болон Discovery-д зориулан Эртний Ром, Ричард Львинойн тухай кино бүтээж, мөн CNN-ийн захиалгаар Иисус Христийн тухай, Зөвлөлтийн усан доогуур шумбагч Василий Архиповын тухай кинонууд хийж байсан Ник Грин ажиллажээ. Баримтат киноны танилцуулгад киног бүтээгчид “В.Путины тагнуулчийн мэдлэг, хувийн туршлага нь түүний улс төрийн карьер, Орост, өнөөгийн дэлхий ертөнцөд хэрхэн нөлөөлж байгааг харуулахыг зорилоо” гэж тэмдэглэжээ.
Владимир Путин Ленинградын улсын их сургуулийн хуулийн салбарыг 1975 онд төгсөөд ажил хөдөлмөрийн гараагаа зөвлөлтийн Аюулаас хамгаалах байгууллагаас эхэлж байсан. 1985-1990 онд Ардчилсан Германд Улсыг аюулаас хамгаалах байгууллагын гадаад тагнуул хариуцдаг нэгдүгээр газрын шугамаар ажиллаж байгаад Дрезден дэх ЗХУ, Германы найрамдын ордны захирал хийж байжээ. Тэрбээр 1991 онд Улсыг Аюулаас хамгаалах байгууллагаас хурандаа цолтой халагдсан байна. Владимир Путин Улсыг аюулаас хамгаалах байгууллагад ажиллаж байсан тухайгаа 2017 онд хууль бус тагнуултай холбоотой гэж нэг удаа хэлж байсан юм.

эх сурвалж :"Ардчилал таймс сонин"