“Их Долоо”-гийн орнууд ОХУ-ын Украины асуудлаарх Минскийн хэлэлцээрээр хүлээсэн үүргээ биелүүлэхийг шаардлаа гэж АНУ-ын Төрийн нарийн бичгийн дарга Майк Помпео лхагва гарагт хийлгэсэн хэвлэлийн мэдээлэлдээ мэдэгдсэн байна. “Их Долоо” бүлгийн орнууд Украинд үйлдэж байгаа түрэмгийллийн төлөө Орост хариуцлага хүлээлгэх эсэх талаар удаан, нухацтай хэлэлцлээ. “Минскийн хэлэлцээрээр хүлээсэн үүргээ Орос биелүүлсэн тохиолдолд л Украины дорнод нутагт дэвшил гарна” гэж “Их Долоо”-гийн орнуудын сайд нарын видео бага хурлын талаар сэтгүлчдэд мэдээлэхдээ Майк Помпео онцлон тэмдэглэжээ.
М.Помпеогийн хэлснээр бол “Их Долоо”-гийн сайд нарын энэ удаагийн уулзалтаар талууд бас Сирийн асуудал, үүнийг шийдвэрлэж НҮБ-ын Аюулгүйн зөвлөлийн 2254 дүгээр зөвлөмжийг хэрэгжүүлэх улс төрийн шийдэл гаргахад Орос, Ираны дэглэм, “Хезболлах”, Б.Асадын дэглэм саад болж байгаа гэсэн байна. “Их-7”-гийн сайд нарын энэ удаагийн уулзалтыг АНУ-ын Питтсбургт зохион байгуулахаар төлөвлөж байсан ч коронавирусийн халдварын тархалтаас болоод теле бага хурал хэлбэрээр зохион байгуулжээ. Украины засаг захиргаа болон барууны орнууд ОХУ-ыг Украины дотоод хэрэгт хөндлөнгөөс оролцож байна хэмээн нэг бус удаа буруутгадаг ч Москва байнга няцаадаг.

эх сурвалж :"Ардчилал таймс сонин"