Шинэ төрлийн коронавирусийн халдварын тархалтаас болоод өөрийнхөө газар нутаг, хилээ хааж, хөл хорио тогтоосон  мужийн амбан захирагч, хотын дарга нараа Бразилын Ерөнхийлөгч Жаир Болсонару гэмт хэрэгтэн гэж нэрлэсэн байна. Тэрээр сэтгүүлчидтэй уулзах үеэрээ “Өнөөгийнхөөс өөр вирус үүнээс ч олон хүнийг хөнөөж байсан. Тэгэхэд үймээн самуун л лав гарч байгаагүй. Тэгэхэд мужийн амбан захирагчид, хотын дарга нар юу хийгээд байна аа, энэ бол гэмт хэрэг. Тэд Бразилыг сүйрүүлж байна” гэж мэдэгджээ. Тэрээр Эрүүл мэндийн сайд Энрике Мандеттугийн төрийн телевизээр хүмүүсийн чөлөөтэй зорчих нь Бразилын эрүүл мэндийн тогтолцоог сүйтгэнэ, хөл хорио тогтоох нь зүйтэй хэмээн анхааруулсныг эсэргүүцэж улс орны эдийн засгийг эрүүлийг хамгаалахаас илүүтэй үзэж байгаагаа ийнхүү илэрхийлжээ.Гуравдугаар сарын 25-ны байдлаар Бразилын 2400 орчим хүн коронавирусийн халдвараар өвчилж 57 хүн нас бараад байна.

эх сурвалж :"Ардчилал таймс сонин"