Их Британийн Ерөнхий сайд асан Гордон Браун шинэ төрлийн корона­вирустэй тэмцэхийн тулд Дэлхийн Засгийн газар байгуулахыг уриаллаа гэж Тhe Guardian хэвлэлд бичсэн байна. Гордон Брауныхаар бол дэлхийн тэргүүнүүд нийлээд эрүүлийг хамгаалах салбарын мэргэжилтэн, шинжээчид, олон улсын байгууллагуудын удирдлагуудыг оролцуулан дэлхий дахины түр маягийн засгийн газар байгуулж шинэ төрлийн коронавирусийн халдварын тархалт, эдийн засгийн хямралтай тэмцэх хэрэгтэй гэнэ. “Коронавирусийн тархалт бол тухайн нэг оронд шийдчих биш, дэлхий дахины үйл ажиллагааг уялдан зохицуулж байж шийдэх ёстой асуудал” гэж Гордон Браун онцолжээ. Мөн өнөөгийн эдийн засгийн хямрал бол 2008 оныхоос эрс ялгаатай гэж Г.Браун хэлсэн байна.
Коронавирусийн тухайд экс-ерөнхий сайд “энэ бол хамтын ажиллагаагаар шийдвэл зохих анагаах ухааны ер бусын онцгой зүйл” гэжээ. Тэгээд эрүүл мэндийн салбарт тулгараад байгаа энэ онцгой нөхцөл байдлыг залруулахын тулд хэдий л хэрийн их ажил болно, тэр хэрээрээ эдийн засагт илүү аюул учирна” гэсэн байна. Тэгэхээр миний санал болгож байгаа дэлхий дахины энэ засгийн газар нь хоёр фронтод хямралтай тэмцэх болно гэжээ. Энэ байгууллага вакцин бүтээх, эм эмнэлгийн хэрэгслийн үйлдвэрлэл, тэдгээрийн худалдааг зохицуулна гэнэ. “Бидэнд өнөөдөр ажил хэрэгч удирдлага хэрэгтэй байна” гэж Г.Браун хэлээд “Би бол “Их-20” байгууллагыг өргөтгөж, өнөөдөр энэ гамшигт илүү өртөөд байгаа улс орнуудыг илүүтэй сонсон, цаашид энэ халдвар илүү тархаж мэдэх Африкийн орнуудад нөхцөл байдлыг хэрхэн сайжруулах, урьдчилан сэргийлэх талаар анхаарна” гэж Гордон Браун хэлжээ.

эх сурвалж :"Ардчилал таймс сонин"