БНАСАУ өнгөрсөн ням гарагт ойрын тусгалтай хоёр баллистик пуужин харвасан нь Япон тэнгис дэх манай эдийн засгийн бүсэд хараахан хүрч тусаагүй хэмээн Японы засгийн газар мэдээллээ хэмээн телевизийн NHK суваг дамжууллаа. Японы талын мэдээгээр пуужин 250 км газар хөөрсөн гэнэ. Пуужин тэнгист тусахдаа загас агнуурын хөлгүүдэд ямар нэг хохирол учруулаагүй гэжээ. Гэсэн ч Пеньяны пуужин харваснаас болоод Японы Ерөнхий сайдын алба энэ талаарх мэдээлэл цуглуулахаар хямралын штаб байгуулсан байна. Одоо бид энэ талаарх мэдээлэл цуглуулж, дүн шинжилгээ хийж байна хэмээн Японы Батлан хамгаалахын сайд Таро Коно мэдэгджээ. Тус улсад бүтээсэн тактикийн шинэ пуужинг туршиж харвахад БНАСАУ-ын Төрийн зөвлөлийн дарга Ким Чен Ун гуравдугаар сар 21-нд оролцож ажиглалаа хэмээн Солонгосын мэдээллийн төв агентлаг ЦТАК энэ сарын 22-нд мэдээлсэн. Өмнөд Солонгосын Штабын дарга нарын нэгдсэн хорооны мэдээлснээр Умардын зүүн эргийн Пёнан-Пукто мужаас харвасан ойрын тусгалтай хоёр баллистик пуужин тэнгист унасан. Ким Чен Ун гуравдугаар сарын 2, 9-ний өдрүүдэд бас алсын тусгалтай артиллерийн буудлагын сургуулийг ажиглажээ. Сая харвасан хоёр пуужин нь 2020 он гарснаас хойш дөрөв дэх нь болж байгаа. Манайх ойрын үед стратегийн шинэ зэвсэгтэй болно гэж БНАСАУ-ын удирдагч Ким Чен Ун өнгөрсөн оны арванхоёрдугаар сард мэдэгдэж байсан.

эх сурвалж :"Ардчилал таймс сонин"