Венесуэлийн Ерөнхийлөгч Николас Мадурог олон улсын хар тамхины терроризмын хэрэгт холбоотой, тэгээд ч тус улсын Засгийн газрын өндөр албаны дөрвөн хүн үүнд оролцдог хэмээн Америкийн засаг захиргаа буруутгалаа хэмээн Оросын мэдээллийн ТАСС агентлаг мэдээллээ. АНУ-ын Хууль зүйн сайд, Ерөнхий прокурор Ульям Барр энэ мэдээлэлдээ тэдгээр хүмүүсийн дотор Венесуэлийн Үндсэн хуулийн Ассамблейн тэргүүн, цэргийн тагнуулын газрын дарга байсан өндөр тушаалын генералын нэрийг дурдсан байна. Баррын хэлснээр АНУ-ын засаг захиргаа хар тамхины терроризмын хэрэгт холбоотой гэсэн Николас Мадуро болон, бусад хүмүүсийг саатуулан баривчлах боломжийг судалж байгаа гэнэ.
Харин Венесуэлийн Ерөнхийлөгч Николас Мадуро болохоор Америкийн засаг захиргааны энэ буруутгал нь ямар ч ул үндэсгүй худал зүйл хэмээн Twitter хуудсаараа дамжуулан мэдэгджээ. Н.Мадуро харин ч Венесуэль улс “хар тамхины хууль бус эргэлттэй тэмцэх талаар” сүүлийн 15 жилд дээд хэмжээ тогтоож байгаа гэсэн байна. “Манай амьдрал бүхэлдээ нийгмийн ашиг сонирхлын төлөө, миний амьдрал ард түмэн, ажилчны хөдөлгөөний эрх ашгийн төлөөх өдөр тутмын тэмцэл байсан” гэжээ.

эх сурвалж :"Ардчилал таймс сонин"