Германы Засгийн газар Кобленц хотод байдаг холбооны архив дахь Дэлхийн хоёрдугаар дайнтай холбоотой баримтуудыг Оросын мэргэжилтнүүдэд нээлттэй болгох шийдвэр гаргасан байна. ХБНГУ-аас Москвад суугаа Элчин сайд Геза Андреас фон Гайр Оросын “Звезда” телевизэд өгсөн ярирлцлагадаа энэ бол ЗХУ-ын цэргийн олзлогдогсодын хувь заяаны талаар мэдэхэд нь туслах зорилготой ажил гэжээ. Дипломатын хэлснээр Москва Зөвлөлтийн 500 мянга орчим иргэн, үүний дотор дайны үед Германд албадан хөдөлмөр хийж байсан хүмүүсийн тухай мэдээлэл авсан гэнэ. ХБНГУ, Орос улсуудад энэ талаарх хамтын ажиллагааны туршлага их байдаг болохоор Герман ийнхүү архиваа ил болгож байгаа юм байна.
“Тэнд үзэж судлах, мэдээлэл авах маш их материал байдаг болохоор бид ийм алхам хийсэндээ баяртай байна. Энэ бол манай хоёр орны түүхчид, архивчдын хувьд маш чухал ажил” гэж Элчин сайд онцолжээ. Орос Германы ойлголцол явж хэдийнээ 75 жил үргэлжилж байгаагийн үр дүнд Дэлхийн хоёрдугаар дайны түүхэнд хоёр орны ард түмний туулж өнгөрүүлснийг үнэлж дүгнэх ёстой, үүнд энэ архивыг дэлгэж байгаа нь маш чухал алхам гэсэн байна. Үүний өмнө Канадын Хууль зүйн яам өнөөдөр амьд сэрүүн, Орост амьдарч байгаа Латвийн СС-ийн легионы гишүүн хүмүүсийн тухай материал өгнө үү хэмээн ОХУ-д албан ёсоор хандаж байсан.

эх сурвалж :"Ардчилал таймс сонин"