Сүүлийн долоо хоногт бэлгэвч үйлдвэрлэдэг томоохон компаниуд шинэ төрлийн коронавирусийн халдвараас болоод үйл ажиллагаа нь доголдож байхтай зэрэгцээд бэлгэвчийн эрэлт хэрэгцээ эрс өссөн байна. Үүнээс болоод хүн төрөлхтөн жирэмслэлтээс хамгаалах энэ хэрэгслээр гачигдаж магадгүй болж байна гэж Bloomberg хэвлэлд бичжээ. Энд дурдсанаар бэлгэвч үйлдвэрлэлээр дэлхийд томд ордог Малайзын Karex компанийн нийлүүлэлт бараг 50 хувь унаад, агуулахад нь №2 бэлгэвч ердөө л хоёр сарын нөөц үлдсэн гэнэ. Хэргийн учир нь Karex бол дэлхийн нийт бэлгэвчний тавны нэгийг үйлдвэрлэдэг. Саяхан коронавирусээс болоод үйлдвэрлэл нь саатаад өнгөрөгч баасан гарагт л ажлаа сэргээгээд байгаа. Гэхдээ л үйлдвэрийн бүх ажилчдын дөнгөж тал нь л ажиллаж байгаа гэнэ. Үйлдвэрийн гол үйлдвэрүүд нь коронавирус хамгийн их дэлгэрсэн Хятад, Энэтхэгт байдаг болохоор тэр. Эрэлт ихэсч байгаа нь олон улс оронд хорио цээр тогтоогоод байгаа, тэгээд ийм цагт хүүхэд гаргаад байх сонирхолгүй нь ойлгомжтой гэж Karex группийн ерөнхий захирал Гох Миах Киатагийн хэлснийг Bloomberg эш татжээ.

эх сурвалж :"Ардчилал таймс сонин"