Шинэ төрлийн коронавирусийн халдварын тархалтын улмаас Канадын агаарын тээврийн томоохон компани Air Canada олон улсын болон дотоодын нислэгүүд нь цөөрсний улмаас 15 мянган ажилтан ажилчнаа халахад хүрлээ гэж албан ёсны сайтдаа мэдээлсэн байна. Үүнээс гадна 1300 менежертээ цалингүй амралт өгч байгаагаа бас мэдээлжээ. Энэ бүх халаа сэлгээ, амралт дөрөвдүгээр сарын 3-наас эхлэн хэрэгжих гэнэ.
Тус компанийн гүйцэтгэх захирал Калина Ровинескугийн хэлснээр бол ажиллагсадаа ингэж халсан нь коронавирусийн халдварын тархалтаас болж нислэгийн тоо цөөрүүлсэн энэ байдал хэсэгтээ үргэлжлэх юм байна.
Коронавирусийн халдварын тархалтаас сэргийлэх нэг гол арга нь агаарын тээврийн харилцаагаа хязгаарлах явдал хэмээн үзэж олон улс орон ийм шийдэлд хүрээд байгаа. ОХУ бас гуравдугаар сарын 30-наас олон улсын нислэгүүдээ зогсоосон юм.

эх сурвалж :"Ардчилал таймс сонин"