Италийн Депутатуудын танхимын дэд ерөнхийлөгч Фабио Рампелли өөрийнхөө өрөөнд байсан Европын холбооны тугийг буулгаж, шинэ төрлийн коронавирусийн халдварын тархалтын үеэр хамтын ажиллагаагаа орхигдуулсан Европын холбоонд дургүй байгаагаа илэрхийлсэн байна. Дүрс бичлэг дээр амны хаалт зүүсэн тэрбээр Италийн төрийн далбаатай зэрэгцээ байсан Европын холбооны тугийг цагаан бээлий өмсөн байж буулгаж байгаа нь харагдаж байна. Ф.Рампелли бас энэ үеэр “Дараа уулзаж болох юм. Магадгүй” гэж хэлснийг ilgiornale.it дамжуулсан байна.
Энэ дүрс бичлэгээсээ өмнө Фабио Рампелли Европын холбооны удирдлагад хандаж байсан юм байна. Тэгэхдээ тэрээр тус холбоо Италийн сул талыг хамтын ажиллагаандаа удаан хугацаагаар ашиглаж ирсэн гэж мэдэгджээ. Тэр “Франц, Герман нь хавчаар хооллож байхад Итали хоол зөөгч байхыг хүсэхгүй байна” гэжээ. Ф.Рампелли бас Европын холбоо эмзэг эдийн засагтай орнуудыг сөхрүүлэхээр золиосонд гаргаж байгаа бол цаашид Европт ирээдүй байхгүй болно гэж мэдэгджээ.
Өнөөдрийн байдлаар Европын 400 шахам мянган хүн шинэ төрлийн коронавирусийн халдварар өвчилж 25 мянга гаруй хүн нас бараад байгаа юм. Эдгээр тохиолдлын дийлэнх нь Итали, Испани улсуудад ногдож байна.

эх сурвалж :"Ардчилал таймс сонин"