Украин улс өөрсдийгөө Донецкийн бүгд найрамдах улс, Луганскийн бүгд найрамдах улс хэмээн тунхагласан мужийн төлөөлөгчидтэй хэлэлцээр хийхээс тагалзаж байгаагаа мэдэгдээд харин улсынх нь хяналтаас гадна газар нутагт амьдарч байгаа өөрийн ард иргэдтэй бол хэлэлцээр хийхэд бэлэн байна гэж мэдэгджээ. Энэ талаар Украины Ерөнхийлөгчийн тамгын газрын дарга Андрей Ермак Facebook хуудсаар шууд дамжуулсан хэвлэлийн мэдээлэл дээр мэдэгдсэн байна. Түүнийхээр Донбасс дахь сөргөлдөөнийг зохицуулах асуудлаар улс төрийн шийдвэр гаргах зөвлөлдөх зөвлөлийг Гурван талт хамтын хэсгийн хүрээнд байгуулсан гэнэ. Тэр Украин улс хэзээ ч Донецкийн бүгд найрамдах улс, Луганскийн бүгд найрамдах улс гэгчтэй шууд хэлэлцээр хийж байгаагүй гэжээ.
А.Ермак бас Украин улс өөрсдийгөө тунхагласан бүгд найрамдах улсуудтай хамтран ажиллахаас татгалзаж байгаа ч Минскийн хэлэлцээрийг хүлээн зөвшөөрч тэдэнтэй “зарим хууль эрхийн актыг” тохиролцоно гэсэн байна. Түр хугацаагаар эзлэгдсэн газар нутгийг нэгтгэх асуудал хариуцсан, Ерөнхий сайдын орлогч Алексей Резников үүний өмнө Киев Донбассын онцгой статусыг улсынхаа Үндсэн хуульд тусгахаас татгалзаж буйгаа мэдэгдэж байсан.

эх сурвалж :"Ардчилал таймс сонин"