Дэлхийн эрүүл мэндийн байгууллагын ерөнхий захирал Тедрос Адан Гебреисус нь Хятадын коммунист намд захирагдаж байна хэмээн Америкийн сенатч Тед Круз буруутгаж байгаагаа өөрийн Twitter хуудсандаа бичсэн байна. “Шинэ төрлийн коронавирус тархаж эхэлснээс хойших бүхий л хугацаанд ДЭМБ ямагт Хятадын коммунист намд захирагдаж ирлээ. Тэрээр халдварын эсрэг үр ашигтай ажиллах шаардлагатай арга хэмжээний талаар итгэл үнэмшлээ алдаж тэр л удирдлагынхаа үнэлэлт дүгнэлтээр ажиллахыг шаардаж байна” гэж Круз бичжээ.
Үүний өмнө Fox News хэвлэл бас Дэлхийн эрүүл мэндийн байгууллагын гол зорилго нь халдвар тараасан Хятадын коммунистуудын хүлээх хариуцлагыг аль болох бууруулахад чиглэж байна гэж бичиж байсан. Аризона мужаас сонгогдсон сенатч Марта Максалли мөн Хятад дахь нөхцөл байдлыг ил тодоор үнэн зөв мэдээлээгүй дэлхий дахиныг хуурсан гэж ДЭМБ-ыг буруутгаж байлаа. Шинэ төрлийн коронавирусийн халдвар дэлхий дахиныг хамраад олон улс оронд тархаад ирэхээр ДЭМБ гуравдугаар сарын 11-нд энэ өвчний тархалтыг цар тахлын хэмжээнд хүрлээ хэмээн зарласан.

эх сурвалж :"Ардчилал таймс сонин"