Шинэ коронавирусийн халдварын тархалтаас үүдэлтэй хямралын үед оросын компани аж ахуйн нэгжүүд, үүний өмнө эдийн засагчдын бодитой биш, популист амлалт гэж буруушааж байсан ажлын дөрвөн өдөртэй долоо хоногт шилжиж эхэллээ хэмээн "Ведомости" хэвлэлд бичжээ.
Хямралын улмаас оросын 15 сая орчим ажилтан, ажилчид ажлын байргүй болох аюул нүүрлэж байна хэмээн Макро эдийн засгийн ойрын таамаг судалгааны төвийн шинжээчид анхааруулж байна. Өмнө тохиож байсан хямралын үед арай зөөлөн арга хэмжээ болох, ажилтнуудаа арай илүү ашигтай өөр ажлын байранд шилжүүлэх, ажлын графикаа хорогдуулах, цалингүй амралт өгөх хөдөлмөрийн хөлсний бүтцээ өөрчлөх, нийгмийн хөнгөлөлт үзүүлэх, цалин хөлсийг бууруулах зэрэг арга хэмжээ авч байсан гэж Job Talks төслийг үндэслэгч Андрей Носов "Ведомостям" хэвлэлд бичсэн байна.
Харин Стратегийн судалгааны төвийн 1000 аж ахуйн нэгжид гуравдугаар сарын 31-нээс дөрөвдүгээр 2-нд явуулсан асуулгаар тэдний 16 хувь нь хэдийнээ ажилтнуудаа цомхтгоод эхэлсэн бол 31 хувь нь ойрын үед цомхтгол хийхээр бэлтгэж байгаа гэжээ.
Шинжээчдийн үзэж байгаагаар бол компаниуд ажиллагсадаа бөөнөөр нь халахаас зайлсхийхийн тулд ажлын дөрвөн өдөртэй долоо хоногт шилжих нь хамгийн зөв хувилбар гэж байна. Өнөөдөр оросын компани аж ахуйн нэгжүүдийн тал хувь нь хөдөлмөрийн хөлсийг нь хорогдуулсан ажлын бүрэн бус өдөртэй болоод байгаа бол дахиад 20 хувь нь ойрын үед ийм дэглэмд шилжих гэж байгаа нь Стратегийн судалгааны дүнгээр гарчээ.
Ажлын дөрвөн өдөрт шилжих нь үйлчилгээний болон албан тушаалтнуудын хувьд ярьж байгаа болохоос биш тасралтгүй үйлдвэрлэлийн салбарт хамаагүй гэж энд бас тэмдэглэсэн байна.

эх сурвалж :"Ардчилал таймс сонин"