Шинэ төрлийн коронавирусийн халдвар дэлхийн улс орнуудад тархаж, аялал жуулчлал, тээврийн бизнес хумигдан үүнийг дагаад байгууллага аж ахуйн нэгжүүдийн үйл ажиллагаа доголдсонтой холбоотойгоор дэлхий даяар нэг тэрбум гаруй хүн ажлын байргүй хоцорно гэж Олон улсын хөдөлмөрийн байгууллагын эх сурвалжаас Bloomberg авснаа мэдээлсэн байна.
Энд зочид буудлын салбар, тансаг үнэт эдлэлийн худалдаа, нийтийн хоол, заримм төрлийн үйлдвэрлэлийн салбар илүүтэй хамрагдана. Энэ салбарынхан ажлын өдрүүдээ цөөлөх, хөдөлмөрийн хөлсөө бууруулах гээд янз бүрийн арга хэмжээ авч байгаа ч эцэстээ ажиллагсадаа цөөлөхөд хүрнэ гэжээ. Олон улсын хөдөлмөрийн байгууллагын мэдээлснээр бол энэ 2020 оны хоёрдугаар улиралд коронавирусийн дэгдэлтээс үүдсэн хямралын улмаас ажиллагсадын ажиллах цаг 6.7 хувиар буурчээ. Улмаар Олон улсын хөдөлмөрийн байгууллага улс орнуудын засгийн газарт хандаж үйлдвэрлэл зогсох, компани аж ахуйн нэгжүүд хаагдаж, ажиллагсад олноороо ажилгүй болохоос сэргийлж компани аж ахуйн нэгж, ажиллагсдад тусламж үзүүлэхийг уриалсан байна.
Дэлхийн эдийн засаг үндсэндээ зогсонги байдалд орлоо гэж Олон улсын валютын сан үүний өмнө мэдээлсэн. Өнөөдөр нөхцөл байдал 2008-2009 оны санхүүгийн хямралын үеэс ч долоон дор боллоо гэж ОУВС тэмдэглэжээ.