Эрдэмтэд олон жилийн туршилт судалгааныхаа дүнд Хэрэглэгчид өөрийнхөө эрүүл мэндийн байдлыг ямагт хянаж байж болох 00-ын “ухаалаг суултуур” бүтээлээ гэж Nature Biomedical Engineering хэвлэл тэмдэглээд энэ системийг жирийн суултуурт ч суулгаж болно гэсэн байна. Шинжээчдийн тэмдэглэснээр бол энэ төхөөрөг хүнээс хамааралгүй төрөл бүрийн хянах самбартай юм байна. “Бид хүний өөрийн болон өөр хүний оролцоогүйгээр эрүүл мэндийн байдлыг нь өдөр тутам хянаж байх идэвхгүй систем бүтээлээ” гэж эрдэмтдийн хэсгийн илтгэлд дурдсан байна. “Ухаалаг суултуур” нь чихрийн шижингээс авхуулаад шээс бэлгийн замын халдвар, хоол боловсруулах эрхтний өвчлөл гээд үндсэндээ хүний биеийн эрүүл мэндийг бүхэлд нь хянаж “мэдээлэх” юм байна.
Энэ суултуурын сорьцын ялтсаар “шээсний шинжилгээ авч” саахар зэргийг тодорхойлох бол, камераар дотоод эрхтнүүдийн өөрчлөлтийг харж хариу гаргах гэнэ. Үүнээс гадна “ухаалаг суултуур нь” хүн хэдий хугацаагаар суусан, хэн ашигласан зэргийг цагаар, хурууны хээгээр тодорхойлох юм байна. Одоогоор 21 эрэгтэйд л ашиглуулан туршаад байгаа энэ “ухаалаг суултуур”-ыг одоо клиникийн өргөн хэмжээний туршилтад оруулах хэрэгтэй гэж мэргэжилтнүүд үзэж байна.

эх сурвалж :"Ардчилал таймс сонин"