Шинэ төрлийн коронавирусийн халдварын тархалтын улмаас Европын холбооны улс орнуудад зайлшгүй чухал биш хэргээр зорчихыг хориглосон хугацааг Шенгений орнууд тавдугаар сарын 15 хүртэл сунгаж магадгүй гэж Еврокомисс мэдэгдсэн байна. “Европын холбоонд зайлшгүй чухал биш хэргээр зорчихыг хориглосон түр зуурын хоригийг тавдугаар сарын 15 хүртэл сунгахыг Еврокомисс өнөөдөр Шенгений бүсийн гишүүн орнуудад санал болголоо” гэж мэдээлэлд дурджээ.
Шинэ төрлийн коронавирустэй тэмцэж байгаа улс орнуудын туршлагаас харахад үйл ажиллагааг эрчимтэй, үр дүнтэй болгохын тулд ийм хориг арга хэмжээг 30-аас дээш хоногоор авч хэрэгжүүлж байна гэж энд тэмдэглэсэн байна. “Гадаад хил дээр үйл ажиллагаа нь Европын холбооны болон Шенгений бүсийн гишүүн орнууд бүхий л хил дээрээ нэг ижил өдөр сартай байх нь илүү үр дүнтэй байна” гэж Еврокомисс улс орнууддаа анхааруулжээ. Еврокомисс энэ уриалгаа Европын холбооны бүх улс орон, Болгар, Хорват, Кипр, Румынаас гадна Исланд, Лихтенштейн, Норвег, Швейцарьт гээд нийт 30 улс оронд хандан хүргүүлжээ.