Колумбатай залгаа хилээ нээхийг Венесуэлийн Ерөнхийлөгч Николас Мадуро тушааснаар өнгөрсөн бямба гарагт хамгийн багаар бодоход 18 мянган венесуэль иргэн хил давж Колумба улсад нэвтэрлээ гэж колумбын цагаачлалын алба мэдээлжээ.
“Танчир мужийн нутаг дахь шалган нэвтрүүлэх цэгийг нээх тушаал Ерөнхийлөгч Николас Мадуро өгснөөр Венесуэлийн 18 мянга орчим иргэн колумбын Норте-де-Сантандер мужид нэвтэрч орж ирлээ” гэж цагаачлалын албаны мэдээнд дурджээ. Харин Венесуэль рүү 9000 орчим хүн нэвтэрсэн гэнэ. Хил нэвтрэгсдийн урсгал нэмэгдсэн ч гэсэн Венесуэлийн энэ хэсэгт тайван байна гэж баримт бичигт өгүүлсэн байна.

Энэ оны хоёрдугаар сарын эцсээр Венесуэлийн Ерөнхийлөгч Николас Мадуро Бразил, Колумба улсуудтай залгаа хуурай замын хилээ бүрэн, Карибын тэнгисийн Аруба, Кюрасао, Бонэйр арлууд дээрх хилээ хаахыг тушаасан юм. Сөрөг хүчнийхэн гадаадаас хүмүүнлэгийн тусламж авахаа зарласны дараа Мадуро ийм шийдвэр гаргасан юм. Аруба арал дээгүүр Бразилтай залгадаг хилээ Венесуэль өнгөрсөн тавдугаар сарын эхээр нээсэн юм.