ОХУ-ын Ерөнхийлөгч Владимир Путин, АНУ-ын тэргүүн Дональд Трамп, Саудын Арабын хаан Салман ибн Абдул-Азиз Аль Сауд нар утсаар ярьж гурван талт хэлэлцээ хийсэн байна. Тэдний ярианы гол сэдэв нь Газрын тос боловсруулагч орнуудын байгууллага дээр нэмэх нь гэсэн шинэ хэлэлцээр хийх асуудал байлаа. Төрийн тэргүүнүүд ийм хэлэлцээр хийхийг дэмжээд, үүнд ихээхэн ач холбогдол өгч байгаагаа дурджээ.
Үүний зэрэгцээ В.Путин, Д.Трамп, Салман гурав стратегийн аюулгүй байдлыг хангах болон ийм харилцаа холбоогоо цаашид үргэлжлүүлэх зэрэг чухал сэдвээр ярилцсан байна. Энэ үеэр Орос болон АНУ-ын Ерөнхийлөгч нар тусдаа хоёр талын яриа өрнүүлж нефтийн зах зээлд үүсээд байгаа нөхцөл байдлын талаар санал солилцжээ. Энэ ярианы үеэр ОХУ-ын Ерөнхийлөгч Владимир Путин ноён Д.Трампад болон Америкийн ард түмэнд улаан өндөгний баярыг тохиолдуулан баяр хүргэж мэндчилгээ дэвшүүлсэн байна.
Газрын тос экспортлогч орнууд дээр нэмэх орнууд нефть олборлолтоо бууруулах талаар хэлэлцээ хийж оролцогсод нэг хоногт олборлох газрын тосны хэмжээг 9.7 сая баррелиэр бууруулахаар тохиролцсон байна...
Мексик л гэхэд дөрвөн өдөр үргэлжилсэн хэлэлцээрийн дүнд олборлох нефтийнхээ хэмжээг 100 мянган баррелиэр бууруулж, үлдэх 300 мянгыг нь өмнө нь зарласан юм. Газрын тос экспортлогч орнууд нийтдээ нефть олборлогч орнуудыг оролцуулаад нийт үйлдвэрлэлийнхээ хэмжээг тавдугаар сарын 1-нээс эхлээд хоногт 19 сая баррелийн түвшинд байлгахаар төлөвлөж байгаа юм байна.

эх сурвалж :"Ардчилал таймс сонин"